ტრენინგის მე - 9 დღე

ტრენინგის მეცხრე დღე საინტერესო იყო. თითოეულმა მასწავლებელმა ისაუბრა თავისი პროექტის შესახებ. ტრენინგის მონაწილეებმა წარმოადგინეს განსახორციელებელი პროექტები. ,,მოვიარე სიმღერით მთელი  საქართველო", ,,ბაზილიკა",  "ჩემი სახელი მსოფლიოში", "ტოლერანტობა", "დედამიწის მაგნიტური ველი", ,,Apple" გუშინ, დღეს და ხვალ", "ვისაუბროთ ქართულად". მე გამოვყოფდი ტრენინგს "მოვიარე სიმღერით მთელი საქართველო", რადგან დღეს აქტუალური პრობლემაა ელექტრონული, მძიმე მუსიკის მოსმენა, რაც უმახინჯებთ მუსიკალურ გემოვნებას ახალგაზრდებს. ამიტომ ხალხური სიმღერების წინ წამოწევა, პოპულარიზაცია შეუცვლის გემოვნებას ახალგაზრდებს. უფრო დიდ ყურადღებას დაუთმობენ ეროვნულ სიმღერებს. ეს კი გარდა სიამოვნებისა, ყველა ქართველის ვალიცაა. 
ვიმუშავეთ ბლოგებზე.  ერთმანეთის ბლოგებზე პროექტის შესახებ გავაკეთეთ კომენტარები. 
            დიდი მადლობა ქალბატონ ქეთის! მის ნასწავლს აუცილებლად გამოვიყენებ პრაქტიკაში.

ტრენინგის მე - 8 დღე

დღევანდელი დღე უზომოდ დატვირთული გვქონდა.მეცადინეობა დავიწყეთ გამეორებით, შემდეგ კი ვიმუშავეთ ფასილიტაციის ნიმუშის შექმნაზე.
ამის შემდეგ შევამოწმეთ ჩვენი საქაღალდეები, თითოეულს დავარქვით შესაბამისი სახელები. ამის შემდეგ გავეცანით თეორიულ მასალას, თუ როგორ ავტვირთოთ პროექტი ბლოგზე. დღემ საინტერესოდ ჩაიარა, მადლობა ქალბატონ ქეთის 

ტრენინგის მე - 7 დღე

დღევანდელი დღე იყო შრომატევადი. დავიწყეთ გამეორებით. ვიმუშავეთ შეფასების რუბრიკებზე. გავეცანით სსსმ დავალებებს და ჩვენც მოვამზადეთ ერთი დავალება. ვუმუშავეთ პრექტის გეგმაზე, სადაც გავწერეთ პროცედურები. დიდი მადლობა ქალბატონ ქეთის.